Matematikaliq túsiniklerdi qáliplestiriw teoriyasi hám texnologiyasi 3-4 semestr 2021-2022 o'qiw jili (G.Turebekova)

Kirisiw

«Matematikalıq túsiniklerdi qáliplestiriw teoriyasi hám texnologiyasi » kursı bağdarlamasınıń teoriyalıq hám metodikalıq máselelerin qamtıp alğan bolıp, balalar baqshaları tárbiyalanıwshılarına muğdar hám sana, kattalik, geometrikalıq figuralar, keńislik hám waqıt sıyaqlı túsiniklerdi úyretiwge tán jumıslardı rejelestiriw, shólkemlestiriw hám tán usınıslar berilgen.

1. «Matematikalıq túsiniklerdi qáliplestiriw teoriyasi hám texnologiyasi» pániniń maqseti, wazıypaları, talabalarğa qoyılatuğın talaplar.

1.1 Pándi oqıtıwdıń maqseti:

Elementar matematikalıq túsiniklerdi qáliplestiriw, metodikası predmeti rawajlanıwı nızamlıqları hám balalar baqshasındağı maqsetke qaratılğan tálim protsessinde balanı mektepke tolıq juwap beretuğın dárejede matematikalıq rawajlandırıwdı támiynlewshi pedagogikalıq shárayattı úyreniw.

Balalarğa real álemdegi júz beretuğın eń ápiwayı qubılıslardağı muğdarlıq nisbatlardı túsiniwge hám álemdegi keńislik formaların (jaylasıwların) natural san, geometrikalıq figura, muğdar hám basqa túsiniklerge abstrakt, biraq olar real barlıqtağı predmetlerge tán bolğan baylanıs hám múnásibetlerin sáwlelendiriwshi kólemde bilimler beriw. bul bilimler keńislik túsinikler rawajlandırıwğa logikalıq pikirley alıwğa járdem beriwi kerek.

1.2 Pándi úyreniwdegi wazıypaları:

  • Talabalarğa mektepke shekemgi tárbiya mekemelerinde matematikalıq túsiniklerge úyretiwdiń teoriyalıq tiykarları, balalardıń matematikalıq rawajlanıwınıń psixologiyalıq ózgeshelikleri, balalar baqshası jumısınıń mazmunı hám metodları haqqındağı bilimlerin qáliplestiriw.
  • Talabalarğa balalar baqshasında matematika elementlerine úyreniw protsessin shólkemlestiriw, shınığıwlardı rejelestiriw, konspektler dúziw hám talıqlaw, metodikalıq usıllar hám tálimiy oyınlardı tańlaw, olar menen islew, mazmunı hám metodların talıqlawdıń kásiplik kónlikpelerin rawajlandırıwdı támiynlew.
  • Talabalardı mektep hám shańaraq penen birgelikte baylanıs ornatıwğa úyretiw. Talabalardı usı kurs boyınsha mektepke shekemgi tárbiya kolledjinde islew mazmunı hám formaları menen tanıstırıw.

 

1.3 Talabalrğa qoyılatuğın talaplar:                                

«Matematikalıq túsiniklerdi qáliplestiriw teoriyasi hám texnologiyasi » pánin úyreniw protsessinde balalarda beriletuğın dáslepki matematikalıq túsiniklerdiń mazmunın úyreniw, talıqlaw, matematikalıq túsiniklerdi baslawısh mektepke rawajlanıw hám úzlúk mektepke shekemgi tálim mekemelerinde alıp barılatuğın jumıslardı rejelestiriw.